OBRADOIRO DE ESCULTURA "PEGADAS" CON JONTXU ARGIBAY.

 Esta semana comenzamos os obradoiros de escultura con Jontxu Argibay. Os obradoiros titúlanse "Pegadas". Tivemos o privilexio de que trouxo á escola esta peza das Heroínas de Sálvora e nun faladoiro contounos como lle vai dando vida aos materiais ata convertilos en esculturas, esculturas que non son inertes porque tamén son relatos tridimensionais que deixan "pegadas" na nosa historia como pobo.
No faladoiro tamén nos contou como son os seus procesos de creación, os materiais que utiliza, moldes,instrumentos...Foi todo un pracer escoitalo e que nos fixera partícipe do seu saber e sentir artístico.

 Cada neno e nena trouxo area que será devolta á praia e que nos serve para facer unha escultura da nosa pegada da nosa man.

As "pegadas da arte", as "pegadas da escola"...en definitiva,"as pegadas da vida". Moitas grazas Jontxu!