ENTROIDO ARTÍSTICO 2015 II: ESCENOGRAFÍA DO PHOTOCOLL INTERACTIVO II

1º Presentación do material.

2º Interactuando co material a través de exploración  libre e xogos.

3º Xogos corporais.

4º Preparando as caixas con xornais.

 

 

5º Elaborando os carteis con máscaras e fondos de acuarela.

ENTROIDO ARTÍSTICO 2015 I: GRUPOS ESCULTÓRICOS DE MIMOS

3 ANOS.

4 ANOS

5 ANOS A

5 ANOS B
Este ano a temática do Entroido foi de Mimos. Personaxes que consideramos que tiñan a esencia dos proxectos artísticos que estamos facendo na escola: teatro, escultura, música...Cada aula xogou nunha especie de Photocoll interactivo con distintos obxectos, creando composicións e esculturas colectivas inmortalizadas polos flashes pero que cobraban vida por todo o colexio e pola parroquia de Aguiño.

COÑECENDO O CEIP HEROINAS DE SÁLVORA VI: AULA DE EDUCACIÓN ARTÍSTICA

No noso colexio temos un espazo onde facemos proxectos de Educación Artística: a nivel individual, en parellas, en grupos, en gran grupo... : xogamos,falamos, reflexionamos, xogamos,pintamos, lemos, expomos, xogamos decidimos, sentimos, observamos, xogamos,intuimos, manipulamos, expresamos, esculpimos, rasgamos, debatimos, cantamos, xogamos,experimentamos, probamos, xogamos, erramos, ... XOGAMOS!Multitude de accións que van dando forma e vida aos numerosos procesos artísticos que aquí se desenvolven. Neste espazo traballamos con un universo de materiais: cartóns,  metacrilatos, pvc,... sen ceñirnos a aqueles que soen estar pensados para as "escolas"Construimos, reconstruimos e formamos parte das construccións. En definitva, os nenos e as nenas enfréntanse a problemáticas que se podería atopar calquer/a artista. Sen lugar a dúbidas, o Proxecto Trenzas este curso está continuamente presente.

"A ARTE É UN XOGO" (M. Duchamp)

COÑECENDO O CEIP HEROINAS DE SÁLVORA V: O TÚNEL DO TEMPO

Cando facemos algún proxecto, algunha exposición... deseñamos carteis para darlle difusión entre a comunidade educativa. Cando o evento remata conservamos unha copia que pasa a formar parte do noso "túnel do tempo", un percorrido visual e cronolóxico de moitos anacos que forman parte da historia da nosa escola. Os carteis que deseñemos durante o proxecto Trenzas serán enviados ás escolas de Lleida e Valencia, xa que o consideramos material de difusión cultural-artística, tanto polo seu formato, como polos guiños que soen ter a distintos fragmentos de obras de arte.

COÑECENDO O CEIP HEROÍNAS DE SÁLVORA IV: ESPAZOS DE ESTIMULACIÓN.

No corredor de Educación Infantil temos un espazo de estimulación con caixas de contidos sensoriais: lentellas, area, fabas, papel triturado.... Tamén é un espazo de autonomía e convivencia entre todas as idades de Infantil.

COÑECENDO O CEIP HEROÍNAS DE SÁLVORA III: OS CORREDORES COMO ESPAZOS DE CONVIVENCIA.

Nos corredores da escola temos espazos de convivencia, onde podemos ler, falar cos compañeiros e compañeiras de distintas clases. Tamén podemos relaxarnos, resolver posibles conflictos, xogar nos recreos de chuvia, ...Son espazos para SER e ESTAR.

COÑECENDO O CEIP HEROINAS DE SÁLVORA II: A NOSA BIBLIOTECA

No noso colexio temos una biblioteca central, onde se realizan gran diversidade de actividades: clube de lectura, préstamos, exposicións, charlas, obradoiros, ...Nos recreos o alumnado de sexto son os/as encargados/as de facer os préstamos. Sen lugar a dúbidas, é un espazo moi importante de documentación e ilustración para o proxecto Trenzas.
Tamén temos bibliotecas de aula e libros nos corredores para gozar deles cando se desexe.
Na aula de Educación Artística estamos intentando facer unha biblioteca especializada en temas relacionados coa Arte.
O Equipo de Biblioteca, o Equipo de Tics e o Departamento de Orientación están facendo un banco de contos relacionados coas emocións e a Educación en Valores, tanto en soporte papel como dixital.
Todos os días temos unha franxa chamada "Hora de Ler" adicada a lecturas de distinta natureza: poesía, relatos,...son feitas na biblioteca, nas aulas e nos corredores.